Amen
Zindagi ke
har chehre se judi
ek alag kahani hai
har pal mein chupi
nayi zindagani hai
meri bhi ek kahani hai!
Jeena hai mujhe
har pal ko
jhoomna hai
har din po phatne par
jeena hai mujhe
sagar ki har lehar per
patjhad ke har patte per
marna hai aise
ki zindagi ke daman mein lipti
ek mehakek roshni
duniya ko roshan kar
aasman mein chamakne ja rahi ho jaise
jeena hai mujhe
apne har shabd mein
apni her saans mein
ki maut bhi aaye
to zindagi se bharpoor ho…
My life in my words...
1 comment:
Nidhi-kitni positive hai yeh poem...iski ending sach kahoon-i love its ending.Maut ke bedaag chehre ke saath zindagi ka ek dhabba bhi na jaye yahi behtar hai. Maut ka is se achha swagat nahin ho sakta.
Is blog ki yeh doosri poem hai jo mujhe sabse achhi lagti hai(u know which one is first).Yeh bhi kahunga ki main khud ko tumhara fan kahoon to kuchh galat nahin hoga.
Yeh poem mujhe inspire bahut zyada inspire karti hai.
Post a Comment